IGM sakham nok gana harijan rok ni bagwi kwtal quarter songsai rwkha swrang salo montri okra Dr.Manik saha, panda o phawi montri saklai kha, kaham sep man na bagwi tabuk agi ni hai michil eba sabha khwlai nani nangya hwnui. Swrang salo IGM complex bai khobjak harijan colony ni kwtal harijan quarter no songsai rwkha montri okra Dr.Manik saha, 2 corer 93 lakh rang bai kai chi quarter songsai rwjakha. ah salo khorok chuku ni yago ah sarkari abashan yapharwi rwjakha. ah panda o kok narugna phuru montri okra saklai kha, haste ni simi kwrui loku rok no kaham tongthai rwnai agi rogo slogan khuna mani, kwrui loku rok ni bagwi khorang tisa mani bo khuna kha, phiya ba haste o 2018 bisi ni ulni simi loku rok soi soi no hapang ni samwng nugwi mankha.abo ni bagwi loku rok no michil tei sabha rok khwlai nani nang ya tei slogan bo rwna ni nangya. montri okra teibo sakha, kebeng nai bodol rok job kwrui hwnui chiriglai tong o. phiya ba hapang kaham khe ni samwng khwlai tong kha joto phasing naharwi. 2018 bisi ni simi 2024 bisi jora haste hapang ni kwbangma thai o 13 thousand 600 sarkari job rwjakha.abo ni sakha tong o contractual tei outsourcing ni job. montri okra teibo saklai kha, job rwoi jung jal o kwlai tong mani abo rok thik khwlai mangalak, tei job rwma ni logi o sikla sikli rok no stand up India ni samwng bwtang bai khwlawi training rwoi economy ni bwkhak twi self-reliant khwlai tonkha. abo ni logi o dal bidal self help group ni bwkhak twi jkami hati rogo samwng khwlai jak tong kha. ah panda o samwng khwlainai rok no twi bo sakha montri okra, bo sakha BJP hapang tabuk sak jora samwng khwlainai rok no 25% DA rwkha, abo ni bagwi sanmwng khwlai nani nangliya. agi rogo michil khwlai nani nang o. tei joto samwng khwlai nai ro no samwng bai jora ni bising o joto samwng pai nani nang nai hwnui sakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
