Saltham ni bagwi haste oh phaikha Petroleum, Natural Gas tei Tourism ni Union Minister Suresh Gopi. Swrang salo Melaghar ni Nirmahal no goriwi naikha bo. Nirmahal ni naithothok mangpili no twiwi Film swnamnani bagwi south Indian ni director tei hero heroin rokno koikha kendra montri Suresh Gopi. Haste ni tourism montri Sushanta Chowdhury oh kok no sawi khwna rikha. Nirmahal naimani yagulo kendra montri sakha, hakotor ni tourism tangbedekno hayungni bwskango twlangmao Tripura no khobui north-east ni yakumu belai no tongnai hinwi sakha bo. Tripura ni Tourism no twiwi montri no tamo khwlainani nangnai aborok no twiwi sakha Petroleum, Natural Gas tei Tourism ni Union Minister Suresh Gopi. Asalo kendra ni montri ni logi tongkha haste ni tourism tangbedekni Sushanta Chowdhury. Haste ni tourism tangbedekni montri no appreciated khwlaikha kendra montri Sursh Gopi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
