Haste o salbrom no lahar patimani mangpili nugwi tongo. Phasalni phungo Bishalgarh thana bai khobjak Dhakarbari amchaio Tipper malkhung tei passenger twinai auto malkhung dadak sidak thuthaiwi auto malkhung no oririwi horkha. Ah auto malkhung lama ganani wah bolongo oriwi thangkha. Ah auto malkhung dhukherep shokherep wngwi thangkha. Patimungo auto malkhung chaloknai tei khorok bwrwi passenger rok belai no sak derakha. Aboni logi Bishalgarh ni hor bwtharnai brindhiya sngno koktwma horjakha. Hor bwtharnai brindhiya sngbo swrapsani yagulo no thangwi sagwikha. Sak deranai rok no khochawi Bishalgarh sakham nogo twlangjakha. Aboni yagulo bini teibu kaham naikolmungni bagwi bono Hapania medical college ni sakham nogo refer khwlaijakha. Tabok bono arono naikoljagwi tongo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
