Phasalni simi chengsajakha haste bidhansabha ni 2024-25 bisi ni budget session. Asalni budget paimani yagulo kaisa kokthum panda khwlaikha haste ni rangthong montri Pranajit Singha Roy. Bo sakha, haste ni hukbar khwlainai rokni simi chengsawi ST,OBC,Minority, sebok khwlainai tei pension manai joto lukorog ni kok no wansugwi no asalni budget sakhwlaijakha. Takwlai ni budget o hukbar hamkrai ni bagwi 1 thousand 721 crore 94 lakh rang approve khwlaijakha, aroni bisingo salthang Tripura tei salgwra Tripura ni Jubharajnagar o khungnwi hukbar bwkhaste swnamjaknai. Aboni logi haste ni dalbidal thaio kai char kwtal Agricultural Development Research Centre swnamjaknai. Abono karwi bo kai bwrwi Fisheries Knowledge Centre swnamjaknai, kaisa Fish Awareness Centre, lebo hai chamung bwthai, dalbidal ni khum, tei mwikhutungni Excellence Center swnamjaknai. Takwlai bisi o rwng tangbedekni bagwi 5 thousand 508 crore 63 lakh approve khwlaijakha. Aroni bisingo haste ni 21 madhyamik level ni rwngnogo kwtal bhavan swnamjaknai. Haste ni ST rwng swrwngnai rok no waisa waisa khwlaiwi 1 lakh rang rijaknai. Oh budget o sakham ni bagwi 1 thousand 726 crore 23 lakh approve khwlaijakha. Ah rang bai no AGMC tei GB sakham nogo 200 bedded multi care health unit swnamjaknai. Abono karwi bo 76 crore 75 lakh rang swbaiwi haste ni tiprajwk swrwngnaijwk sngni bagwi 11 tei tiprasa rwng swrwngnai rokni bagwi 10 hostel swnamjaknai. Bwrwi tei cherai rokni sakham ni kokno wansugwi 7 crore 51 lakh rang swbaiwi haste ni kwbangma thaio 85 Pink toilet swnamjaknai. 2024-25 bisi budget o haste ni tiprasa dopha ni lukorog ni hamkrai ni bagwi 698 crore 68 lakh rang approve khwlaijakha. Oh rang direct TTAADC no hornai haste haphang.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
