Football tei gymnastic ni yagulo tabok hasteo songsajak kha yoga bataimungbo. kendra haphangni dagimung baino , tripura school sports board ni luajimung bai under 17 ni batainai rogno twiwi 67th national school games ni oh bataimungo songsajak kha. sangrong salo hakotor rwk beremo yoga bataimungno chengsai rikha hasteni montri okra DR.Manik saha. bono karwibo ah salni pandao manjak kha hasteni thwngtang bedekni montri Tinku Roy , tangphang Subrata Nath , gymnastic Dipa karmakar no khobwi kubuni adongrog. bataimungno chengsai rima yagulo kok narwkna thangwi montri okra sakha , yoga khwlaiya hinkhe khoroksa borok sak baithangni sak hamno kaham khwlaiwi tonwi hmanya. rwng swrwngnai rogni langma education haino yoga bo belaino nangkukmani kaisa raida hinwi sakha montri okra. kubuni hakotorni sei bharat haktor tabok thwngmung rogo belaino kaham wngjak. amoni bagwino oh bisino asian games oh bebagwi 107 medal mankha bharat hakotor, hai hinwi sakha hasteni thwng tang bedekni montri Tinku Roy. oh bataimungo hakotorni kwbangma hasteni cherai rog phaiwi manjak kha. sangrong salo phongo hasteo sokphai kha borog. 23 november ni simi 27 november jora agulini NSRCC ni indor stadium oh yoga ni oh bataimung khwlaijak nai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
