Haste tei phatar hasteni bwrwi rogno burum rina bagwi 2022 bisini october tal ‘longtorai grihini samman 2022’ mungwi kaisa mai moi songlaimani batailaimung songsajak kha longtorai gora mashalani bwkhaktwi. bataimungo khorok chi kwplai wngnai rogno sal thamni bagwi dhiga tei mandrarmani oh beraina bagwi sep rijaknai hinwi saklaijak kha. yagulo sal lokrioi sal brwi khwlaiwi rijak kha. amini bagwino ah bataimungo kwbangma bwrwi rog manjak kha. longtorai gora mashala bai moi songwi ah raida rogno joto video tisai longtorai gora mashalani official whatsapp oh rohor kha kwbangma bwrwi . ah video no longtrai gora mashalani facebook page oh upload khwlaima yagulo je video jotoni sei kwbang likes tei share phaikha aroni bisingo khorok chi bwrwi rogno winner hinwi sangrong salo saklaijak kha. winner rogni bisingo khorok dok wngkha tripura hasteni tei khorok brwi wngkha phatar hasteni. tripura hasteni winners wngnai rogni mung wngkha Supraba Biswas , Sujata sen roy , Papia Saha, Mamita chakrabarty , Shilpi Das tei Pinky Pal. phatar hasteni winners wngnai rogni mung wngkha Ishita mandal , Ranjana Das , Sadhana Das tei Shaswati Sarkar. phainai 24 november ni dam chuku ni simi hasteni maharaja bir bikram birkhung kholani simi hasteni winners wngnai rog Dhiga tei mandarmani beraina bagwi thangnai. ah beraimungo bo tongnai dal bi dal ni samung bwtang rog. sangrong salo agartala press club oh joto kok sai khwna rikha longtorai gora mashalani general manager subrata debnath . winner wngma yagulo tongthoklaijak joto winners rogbo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
