Tripura hasteni hamya habarno nasikgwi swrang salo social media ni bisingtwi lukurogni bagwi kok kwchar kha MP Biplab kumar Deb. jotno kiriya wngwi khathangsa tongna bagwi sakha bo. Hasteo kwbangma waitwi phaimani oh hasteni lukurogno kiri khe tongna bagwi koi kha MP Biplab kumar Deb. omo hai jorao hasteni joto hangkhor tei bwkhaste naikulnai rogbai kok sai tongkha bo. social media ni bisingtwi khe omo hai no sai khwna rikha Biplab kumar Deb. swrang salo social media oh bo sakha , hasteni montri okra Dr. Manik saha bini naikulmung bai hasteni twilomjak thai rogo lukurogno banchirina bagwi rescue team jora no rwkgwi no horwi tongo hinwi. joto tang bedekni montri tei kuchuk beremni naikulnai rogbai koklam khwlaiwi kaham yapri naharjakgwi tongo hasteo. kendra haphang bo hasteni halok rogno kaham khe naichumwi tongo. tripura hasteni joto lukurogno oh jorao khathangsai kiriya wngwi tongna bagwi koi kha MP Biplab Kumar deb. haste haphang tei kendra haphani naikulmung bai dati ni hasteni habar kaham wngnai hinwi sakha MP Biplab kumar Deb.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
