Twi o kulugwi langma chokha khorok sa churai ni, thwi nai ni mwng Hrittik debbarma, pati mwng swrang sal ni dipor o bishramganj koroimura amchai o. Buma bupha ni naikol mwng tongwi phano thung na bagwi kheto thangwi twi o kulugwi thwi kha umar bisi bwrui khak sa khorok sa churai.thwi thang nai churai ni mwng Hrittik debbarma, bupha ni mwng Sanjoy debbarma, pati mwng swrang sal ni dipor o bishramganj koroimura amchai o, sai mankha Sanjoy debbarma ni nok tila bhumi o. abo ni tola o no kheto. watui kwbang phai mani bagwi kheto o bo tui lom bai kha, swrang salni phung o thung mang thungma buphuru Hrittik kheto o kwlai thang kha, abo ni ulo nok ni borok rok naitugwi manliya ungwi kisa jora ni ulo nugwi mankha khteo Hrittik ni mang kwthui. logi logi no koroimura sakham nogo tubwi phai kha, aro o saknaikol mwng khwlai phano Hrittik no mwthangwi manliya. abo hai kotwma sai manwi no Sanjoy debbarma ni nogo phawi sokphai kha chorilam BJP mandal ni achugphang Rajkumar debnath, pradesh BJP janajati morcha ni kwcham tangphang Pratik debbarma akosong.abo hai pati mwng ni ulo amchai gwnagui no kha khamlai jak.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
