Bisi khaksa swkang Agartala Aralia ni Gopal Banik ni bwsala Govinda Banik bai kaijakha Teliamura oh tongnai Koyel Ghosh. Kaijakmani yagulo no nukhungo belai no kese kereng nukjakha. Koyel Banik ni bwkra Gopal Banik phekjaknai manwi nungwi nogo kiphilwi hamjak no satok pitok khwlai oh hinwi saimankha. Tei baisa bwkhak bwsai Govinda Banik jora jora oh hamjwk no belai no satok pitok khwlai oh koksilsakha. Nukhungo belai satokjakmani bagwi thanai sal kisa swkang bwsai ni nogni ongkhorwi Teliamura DM Colony oh tongnai bini dadu sngni ro thangkha Koyel. Koyel Ghosh bini dadu nogo phaimani yagulo bono rang khogwi twlangkha hinwi koksisakha bwkrabari ni lukorog. Sangrong salni horo mobile ni bising twi kok salaiwi walailaikha, phiyabha phasalni diporo bini dadu ni nogo phaiwi phachi chawi thwikha nukhungni hamjwk Koyel Banik. Patimung thai oh thangkha Teliamura thanani police. Police rok Agartala forensic team no twiwi patimungo thangkha. Naichermani yagulo mangkwthwi no Teliamura bwkhaste sakha nogo twlangkha. Aboni yagulo amchai rwgwi belai no wanalaijak.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
