Phasalo TR 03-1442 number ni khungsa bus malkhung passenger twiwi Udaipur ni simi Agartala phaiwi tongmani, Bishalgarh jora kaham kwrwngkhe no phaikha. Phiyabha Bishalgarh ni jaijor bwskango phaiwi 20 minute ramwi bus mwthagwi tonikha malkhung chaloknai. Aswk satung tungmani jora oh abohai lama oh tangwi bathakriwi tonikha hinwi sungmani yagulo passenger rok bai misbehavior khwlaikha hinwi koksilsakha khorok sa passenger. Aboni yagulo malkhung chaloknai khorok sa passenger no thapra rinani hinwi sokoromkha. Aboni yagulo maximum passenger rok malkhung ni ongkhorwi Bishalgarh thana oh thangwi malkhung chaloknai no kebengwi mamla khwlaikha. Malkhung chaloknai ni mung Tapan Debnath. Swkango bo sak baithangni muchung twi no malkhung chalogo hinwi sakha. Bini mwchungtwi khe malkhung bathakriwi tonioh hinwi saimankha. Tabok thanani police rok tamo yapri naharno abo simi no naijaknai tongsi oh.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
