Phasalo World Blood Donor Day no kitingwi aulini Rabindra bhavan oh kaisa thwirimani panda songchajakha. Asalni panda oh manjakha haste ni montri okra Dr.Manik Saha, bini logi manjakha sakham tangbedekni secretary Kiran Gitte, no khobui kubuni adongrok.Phasal eba 14 june ni salmari oh Blood group swnamnai Kal Land Steiner ni achaima sal. Bini achaima salno muito khwlainani bagwi bisi brom ni 14 june ni salmari oh hayung rwgwi World Blood Donor Day palaijagwi tongo. Abono kitingwi no phasalo kaisa aulini Rabindra Bhavan oh kaisa panda songchajakha. Asalni panda oh nogorai okra wngwi manjakha haste ni montri okra Dr.Manik Saha, bini logi manjakha sakham tangbedekni secretary Kiran Gitte, no khobui kubuni adongrok. Panda chengsanani bagwi Kal Land Steiner ni mangpili oh khomriwi borom yapharkha montri okra. Aboni yagulo chati muchungwi panda no chengsawi rikha bo. Abono kitingwi kaisa thwirimani panda bo songchajakha, Asalni panda oh thwirinai rokno kha-thangsarikha montri okra. Panda oh kok narukna thangwi montri okra sakha, borok monsuni langmani oh thwi bwswk nangkukmani manwi aborokno twiwi kok sakha montri okra Dr.Manik Saha. Bo teibu sakha, chongmari tei kwbangma samung bwtangni bagwi haste oh jpora jora oh biyal ni nukjakha. Phiyabha kwbangma club rok bwskango phaikhe oh jwngjal nukjagwlak. Thwino chwngno bhuchiriwi rio je chwng joto no borok. Asalni panda oh kaisa modern van no phiyogwi rijakha. Bana phunugwi oh van no phunugwi rikha montri okra Dr.Manik Saha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
