Tapasili jati kalyan ni bagwi pha salo kaisa nangkukmani koklam pandao achuk kha tang bedekni montri Sudhangsu Das. haphangni bwkhaktwi tapasili jati kalyan ni bagwi saklaijakmani samung bwtang rogno ah salo kaham khe naikulwi nai kha montri.Pha salo gurkha basti ni tapasili jati kalyan tang bedekni haba nogo kaisa nangkukmani koklam panda songsajak kha. ah salni koklam pandapo manjak kha , tapasili jati kalyan tang bedekni montri Sudhangsu Das , tang bedekni adong rogno khobwi kai char hangkhor ni adong rogbo manjak kha. koklam pandao 2023-24 bisini samung bwtang rogno twiwi kok rog salai kha. budget oh khursajakmani joto samung bwtang rogni bisingo je samung rog tabok phano khwlaijakya kho abo rogno dat dati khwlaina bagwi dagi mung rikha montri sudhangsu das. tei 2024-25 bisio saklaijakmani samung rogno khwlaina bagwibo yapri nahardi hinwi dagi mung rikha montri. budget ni kok no khursai montri sudhangsu das sakha , kubuni bisi hai taklai bisio bo hasteni tapasili jati ni rwng swrwngnai rogno stipend rijaknai. hostel rogni hamkwraini bagwi kwbangma yapri naharjaknai. tei kwtal kwtal samung bwtangni bagwi bo yapri naharjaknai hinwi sakha montri sudhangsu das .hasteo wngwi tongmani tang bedekni joto samung rogni record no pha sao phunuk jak kha hinwi saimankha. saklaijakni wngya kho samung rog dati dati khwlaina bagwi dagi mung rikha montri sudhangsu das.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
