Phasalo Delhi ni parliament ni central hall oh kaisa koklamo achukkha NDA ni alliance. Asalni panda oh manjakha montri bokhorok Narendra Modi, Amit Shah, JP Nadda no khobui BJP ni kwchuk berem ni ojama sng, aboni logi BJP ni joto kwtal MP rokbo manjakha, tei JDU ni tangphang Nitish Kumar, TDP ni tangphang Chandra Babu Naidu, Janasena bodol ni tangphang Pawan Kalyan, LJP ni tangphang Chirang Paswan no khobui kubuni adongrok. Montri bokhorok parliament oh habwi khe no modi modi modi slogan riwi lamsogwi naharkha. Asalni panda oh kok narukna thangwi Nitish Kumar sakha, chini bodol Narendra Modi no bharat ni montri bokhorok swnamnani bagwi supports khwlai oh. Thanai 10 years ramwi bo no montri bokhorok tongmani. Teisa hai no wngna thangwi tongo. Chwng puito khwlai oh tabokswk jora jeswk samung khwlainani baki tongo, ah samung rokno pairiwi khwlainai bo. Chwng jeswk tongsak aswk salno Narendra Modi ni logi tongnai. Chwng sawi mano, takwlai jerok kisa kisa kwplai wngkha, borok phainai salo mechenwi thanai. Tabok Bihar oh aswk kaham khe samung khwlainai, tei waisa phuru khe borokno mechenwi rinai. Bo teibu sakha, chini bodol Narendra Modi montri bokhorok wngmano supports khwlai oh. Chwng bini logi tongsoknai hinwi sakha. kebo kebo nang nungyani kok sanai aro waisa oro waisa thangu hinwi, Phiyabha chwng takwlai thik khwlaisinai chwng keboni phasing go thangwlak. Kebengnai bodol rok mungsa bo samung khwlaiya, phiyabha modi ji samung khwlaikha. Phainai salo kebengnai bodol rokni mungsa bo sep sap kwrwi. Dakti no chini swmai tangmung panda wngwi thangthung. Chwng joto no Narendra Modi ni kok no maniwi samung khwlainai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
