TNV Agreement, ATTF Agreement oh swijak joto samung bwtangno mwkthangnani bagwi phasalo haste ni Governor Indrasena Reddy Nallu ni thani deputation rikha Tripura United Indigenous People’s Council eba TUIPC. Asalni deputation oh tongkha Tripura United Indigenous Peoples Council ni President Motilal Debbarma, Tipra motha ni MLA Ranjit Debbarma no khobui kubuni adongrok.1988 bisi oh TNV Agreement wngkha, 1993 bisi oh ATTF Agreement oh swijak kwbangma samung bwtang no tabok phano wngyakhu. Aroni bisingo tongo 1971 bisi ni 25 march ni yagulo jerok phatar haste ni haste oh phainai, borokno siniwi hai no hai borokni hakotor oh kiphilwi hornani, iner line parmit chengnani, jerok chikon chikon bodol oh khakjakbaikha BSF, CRPF tei kubuni naimwthang bodol rokni thani surender khwlainai rokni bagwi kaisa sebok rokni sep rina hinmani. Ah joto samung rokno dakti dakti no mwkthang khwlainai bagwi phasalo haste ni Governor Indrasena Reddy Nallu ni thani deputation rikha Tripura United Indigenous People’s Council eba TUIPC. Asalo borokni kaisa bodol Rajbhavan oh thangwi Governor bai malaiwi kaisa swimung bwlai joma rikha. Asalni bodol oh tongkha Tripura United Indigenous Peoples Council ni President Motilal Debbarma, Tipra motha ni MLA Ranjit Debbarma no khobui kubuni adongrok. Deputation paimani yagulo MLA Ranjit Debbarma borokni deputation no twiwi swbai sukurwbwi sai khwna rikha. Asalo Tripura United Indigenous Peoples Council ni bwkhak twi MLA Ranjit Debbarma sakha, dakti no borokni sanmungno mwkthang khwlaijakya hnk phainai salo borok teibu kotor choba oh thanai hinwi sakha bo. Aboni logi borok RSS, Bojrang bodol, Tripuri Sena tei Santi Sena hai kaisa bodol swnamnai hinwi sakha. Haste gwnangwi ganatantra ni raida bai khe no borokni bodol swnamjaknai hiwni sakha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
