Bisi kolokma ramwi Dhanpur ni lukorog Manik Sarkar no chekhara-atura ni mari oh vote riwi kwplai khwlaikha. Phiyabha ah manik Sarkar tabok yakni mari oh vote rinai. Phasalo salchi Taibandal ni lukothum panda oh manjagwi haste ni kwcham montri okra Manik Sarkar no kolkha salthang Tripura oh BJP ni wngwi batainai Biplab Kumar Deb.Bo teibu sakha, haste oh CPIM ni mung nawi congress ni sipai rok bwrwi rokno rompherekha, 80 ni danga wngkha, Bir chandra Manu oh Sridam Paul no khobui khorok chi nwi borok no bwtharkha tei Sridam Paul ni bokhorok rawi football thwngkha. Phiyabha tabok ah criminal rokno no vote rinai Manik Babu. Asalni panda oh Manik Sarkar ni logi Jirendra Chowdhury no bo kolkha Biplab Kumar Deb. Bo teibu sakha, Tiprasa rokni nwi chi achukthai ni bisingo kaisa achukthai ni bagwi fano chongmari oh batairakya Jiten Babu. Aboni bagwi no General seat ni wngwi chongmari oh bataikha. Haste ni montri okra wngnani muchungjakmani bo. Phiyabha bono MP swnamwi Delhi oh horkha Manik Babu. Ah jora ni simi no revence nana bagwi nasingwi tongo bo. Aboni yagulo 2023 bisi ni bidhansabha chongmari oh Bubagra ni chubachu bai Sabroom oh pass wngkha Jiten Babu. Phiyabha ah jora oh Sabroom ni bwkhak twi Tipra motha ni batainai ni mung riyani bagwi no pass wngu Jiten babu. Phiyabha Tipra motha bai huijakni bising twi ah jora oh kwthamani kokno manina soiya Manik Babu tei Jiten Babu. Communist rok regional bodol bai thansa wngkhe hinwi sakha Manik Sarkar, phiyabha tabok Jitendra Chowdhury tei Manik Sarkar sao, bubagra borok bai behman khwlaikha hinwi, Phiyabha tabok kok sungmung wngkha, Bubagra Pradyot Kishore bai jadi communist rokni thansa wngya hnk, bo behman ni kok no sawi tong Manik Sarkar? Soi soi nasikkhe asol behman wngkha Manik Sarkar. Aswk bisi kolokma ramwi haphango achugwi tongmani yagulo bo sak baithangni bidhansabha kendra ni mungsa fano hamkrai khwlaiwi manya bo. Phainai loksobha chongmari oh kainwi achukthai oh BJP ni wngwi batainai sngno kwbangma vote riwi kwplai wngwi montri bokhorok ni yakno teibu kwrak khwlaina bagwi haste ni lukorog no koikha Biplab Kumar Deb.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
