MLA jwk Kalyani saha roy ni pirlai mwng o kebengnai bodol yakarwi BJP bodol bai gwdal phai mani kwbang no nukjak totngkha Teliamura bidhansabha amchai o. haste ni dal bidal thai ni logi Teliamura bidhan sabha kendra ni joto booth rogo BJP bodol bai gwdal phai mani nukjakha. pha salni sanja jora Teliamura poura parisad ni 12 no. ward bai khibjak 48 no. booth o songsa jak mani kaisa sabha o CPIM teo congress bodol yakarwi BJP bodol bai gwdal phaikha kwbang loku rok. ah salni sabha o 27 nwkhung ni 68 jona jona voetr MLA jwk Kalyani saha roy ni yak romwi BJP bodol bai gwdal phaikha. kebeng nai bodol yakarwi bodol bai gwdal phainai rok no bharatiya janata party ni bana bai lamsogwi naharkha MLA jwk Kalyani saha roy. sabka sath, sabka bikash tei hoda ni joto loku rok no sep rwna ni bagwi samwng khwlai tongkha montri bokhorok Narendra modi ni hapang. abo ni logi joto oi thansa ungwi haste ni montri okra Dr.Manik saha je emang nukmani kaisa naithothok Tripura swnam nai ah emang no soi khwlaina bagwi joto no thansa ungwi samwng khwlainani nang nai.Ah salo kebengnai bodol yakarwi BJP bodol bai gwdal phainai rok no bana bai khwlawi lamsogwi naharkha MLA jwk ni logi teibo kwbui ni naikolnai rokbo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
