7 ramnagar bidhansabha ni by-election o BJP agartala pura nigam ni mayor Dipak majumdae no batainai chonghormani o joto no kha phurjak. bo khorok sa belai khe no kaham borok, sangrong salo abo hai khe no samani nukjak kha border gol chakkar amchai ni yaksi hapang ni jora ni bisi chi ni kwcham councillor Mira biswas. tei kisa jora ni ulo no haste ni kai nwi achugthai o loksabha chongmari tei kaisa kendra o bidhan sabha by-election. abo ni bising o haste ni CPIm bodol o kwlug mwng rok ungwi tong mani nukjagwi tongkha. sathaai kwlai o, border gol chakkar amchai ni yaksi hapang ni bisi chi ni kwcham councillor Mira biswas BJP bodol bai gwdal kha, bini kok silsamwng yaksi ni jora o bisi chi romwi amchai ni councillor ungwi chonghor jagwi loku rok ni bagwi samwng khwlai kha tei loku rokni logi tongkha hwnui. phiya ba bisi ba eba bisi dok romwi bodol mwng sa bo sep rwliya ano, tei ang loku rok ni bagwi samwng khwlawi manya unwgi tongkha. tangwi hwnkhe ang loku rok ni bagwi samwng khwlainani naikha phiya ba bodol ano mwng sa bo sep rwiya ni bagwi ang loku rok ni bagwi samwng khwlawi manliya. abo ni bagwi no tabuk ni hapang eba BJP ano ah sep khwlawi rwkha.tei ang CPIM bodol yakarwi BJP bai gwdal phaikha. je bodol o tongwi loku rok ni bagwi mwng sa bo samwng khwlawi manya ungwi tong mani hwnkhe ah bodol o tongwi tamo ungnai. abo ni logi bo teibo saklai kha, tabuk ni kendra hapang tei haste hapang ni sep bai haste ni samwng rok ungwi tong mani bagwi ang kha phurjak. agi rogo Tripura no kebo siniya phiya ba tabuk khe hakotor ni bising o Tripura no joto no sini laikha. bo tei bo saklai kha, CPIM bodol yakarwi ang BJP bai gwdal mani abo ani kha bising o mwng sa kunu ungya, tangwi hwnkhe tabuk ni haste hapang je samwng khwlai tong kha tei kaisa nai thothok Tripura swnam na bagwi je samwng yago nahar kha, chung tei usulwi tongalak, Tripura ni mwng kwchug o kawi tongma bai ang kha phurjak.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
