Tripura haste okaham khe loksabha chongmari ungna bagwi mwng sa bo samwng o usulwi kwrui celection commission. amchai rogo kaham khe naikol na bagwi agi ni simi no sep naharwi tongkha kebdra. special train bai khwlawi haste o phawi sokphai kha kendraiya naikolnai rok. swrang sal ni horo agartala rail station o phawi sokphai kha borok, sangrong sal ni hor ni bising o no haste ni dal bidal thai ni kendra o twlangwi thang nai borok no. sak naikol mwng ni khwlainai kendriya ni simi phaijak sengkwrak bodol. Tripura ni kai nwi loksabha kendra o tabuk ni bising o no booth tei amchai rogo thangwi samwng bwtang chengwi rwkha chongmari commission. bobo amchai rogo bwsuk jora kendriya naikolnai rwjak nai abo ni samwng bo chengwi rwkha. poila boisakh ni swkang haste o teibo kendriya naikolnai phawi sokphai nai hwnui bo saimakha. 19 april salmari o Tripura haste o puila dopha ni vote. salthang Tripura loksabha kendra ni logi 7 ramnagar bidhan sabha kendra o bo ung nai by-election. salka Tripura loksabha kendra o paithak dopha ni vote ung nai 26 april salmari oh. haste ni joto booth o sengkwrak rok rwoi mano kwbang, ah kok wansugwi no kendriya naikolnai rok no rohor kha election commission. phiya ba bwsuk phai kha haste oh kendriya sengkwrak abo rok tabuk sak sai manya kho.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
