Joto jati ni loku rok no thansa ungwi kaisa naithothok tripura swnam nani bagwi chung samwng khwlawi tongkha, abo ni naharmwng no nugwi mankha sangrong salo agartala ni rajbhavan o Tripura montri sabha ni ojama ungwi Animesh debbarma tei Brishaketu debbarma no swmai nahar mani ulo kokthum thumnai ni bwskang o abo hai khe no kok samani nukjakha haste ni montri okra Dr.Manik saha no, bo teibo saklai kha, chung je wansuk mani phai tong nai sal rogo joto jati ni bagwi ni thansa ungwi oh haste o tong nani man nai, abo ni logi tripura montri sabha ni ojama Animesh debbarma tei prati montri ungwi Brishaketu debbarma no swmai naharma bagwi kha kaham bo yaphar kha, montri okra hambai yaphar kha montri bokhorok Narendra modi, union home minister Amit shah no bo. sathai kwlai o Tripura montri sabha ni ojama ungwi Animesh debbarma tei Brishaketu debbarma sangrong salo swmai nahar rwkha, Tripura ni haste pha Indrasena reddy nallu rajbhavan o borok no swmai nahar rwkha, ah salni panda o bono karwi no phawi manjak phai kha hukbar montri Ratan lal nath, montri Sushanta chowdhury, montri Sudhangshu das, okra sachib JK.singha, haste police ni okra naikolnai Amitav ranjan, Tipra motha ni kwcham supremo Pradyot kishore debbarman, Tipra motha ni naikolnai Jagadish debbarma, BJP pradesh ni achugphang Rajib bhattacharjee tei haste administration ni okra naikolnai rok bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
