Loksabha chongmari jesak bwskang o phawi tongkha, ashuk no swlai jak tongkha thung kwrung ni habar rok. naikolnai bodol bai allince ungkha kebeng nai bodol tipra motha. Tipra motha ni khorok nwi MLA Animesh debbarma tei Brishaketu debbarma no montri ni thaio swmai nahar rwkha, sangrong salo rajbhavan o songsa jak mani kaisa panda o haste pha Indrasena reddy nallu borok no swmai nahar rwkha, ah salni swmai nahar mani panda o kwtal montri sabha ni ojama montri Animesh debbarma saklai kha, chini sanlai mwng gosiya sak chung choba khwlawi thang nai. tangwi hwnkhe bodol ani saichung ni bagwi ya, ah bodol o kwbang borok no tong o, ah swmai nahar mani panda o bodol ni kwcham supremo eba bubagra Pradyot kishore debbarma bo phawi manjak phai kha abo ni bagwi bodol ni sanlai mwng no yakarwu bodol swnamwi mangalak. joto bodol ni no kaisa sanlaimwng tong o, tei hapang ni kaisa naikol mwng tong o montri rok hapang ni naikol mwng ungwi tong kosong loku rok ni bagwi samwng khwlai nai. loku rok ni sep ni bagwi phai tong nai sal rogo samwng khwlawi thang nai, abo ni logi bo teibo saklai kha ashuk sal romwi chung hapang o kwrui tabuk khe hapang ni khorok sa montri ni thai mankha, tabuk loku rok ni bagwi bwsuk jora twi samwng khwlawi man nai abo no nainai. Aah salo swmai naharmani nukjakha Brishaketu debbarma no bo, swmai nahar mani ulo kokthum thumnai ni bwskang o bo saklai kha, tiprasa loku rok ni manthai rok supung rwna ni bagwi phai tong nai sal rogo choba khwlawi thang nai, bharat hapang bai Tipra motha ni je contract sign ungkha abo rok dati khe samwng ni bising twi phung nani nang nai.Ah salni panda o phawi manjak phai kha montri okra Dr.Manik saha, transport tei tourism tang bedek ni montri Sushanta chowdhury, montri Sudhangshu das, montri Ratan lal nath, montri Santana chakma ni logi kwbangma MLA tei MLA jwk song, abo ni logi phawi manjak phai kha pradesh BJP ni achugphang Rajib bhattacharjee, agartala pura nigam ni mayor Dipak majumdar, okra sachib JK.singha, haste police ni okra thai ni samwng khwlai nai Amitav ranjan, Tipra motha ni kwcham supremo eba bubagra Pradyot kishore debbarman, tei bodol ni naikolnai Jagadish debbarma akosong.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
