Mohila morcha ni naikol mwng o joto thai ni tong kosong loku rok no twi joto bharat hakotor ni logi Tripura haste ni kai dok chi mandal o bo kwrak salo songsa jakha’nari shakti bandhan yatra’ni samwng bwtang. sarkari tei besarkari samwng khwlainai, rwng swrung nai tei swrung nai jwk song no samwng bwtang o phawi manjak phaina bagwi ringkha Tripura mohila morcha ni pradesh achugphang jwk Mimi majumdar, hakotor ni montri bokhorok Narendra modi ni jora o nari shakti ni je mangpili kasai phai mani bharat hakotor ni thung kwrung o, abo no ah salo songsa jak nani nai tongkha mohila morcha ni ojama song. bwrui rok ni kaham hamkwrai ni bagwi Jono dhan yojoan, ujjala yojona, PM abash yojona, kanya surakha ni logi dalbidal gosimwng naharkha kendriya hapang. kaisa ni ulo kaisa samwng bwtang ni bwkhak twi bwrui rok ni phasing naharwi samwng khwlai tongkha montri bokhorok Narendra modi. phai tong nai 8 march salmari International Women’s Day palai jak nai. abo no kitingwi no bwrio rok ni phasing naharwi no sal tham ni bagwi nari shakti bandhan yatra songsa jak nai, montri bokhorok ni kobok mwng bai sepahijala hangkor sonamura o songsa jak mani samwng bwtang o kwrak salo phawi manjak phai kha Tripura mohila morcha ni pradesh achugphang jwk Mimi majumdar. joto bharat hakotor gwnagwi nari shakti no thansa khwlawi’nari shakti bandhan yatra’samwng bwtang songsa jak mani panda o kwrak salo abo hai khe no kok samani nukjakha Tripura mohila morcha ni pradesh achugphang Mimi majumdar.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
