Tripura ni tiprasa loku rok ni bagwi kaham nikol mwng no twi lai thanai 2 march salmari eba cha salo new delhi o contract sign ungkha kendriya hapang,Tripura hapang tei Tipramotha bodol ni bising o. ah contract no Tripura ni laibuma oh kaisa kotor contract hwnui gosimwng rwkha kendriya union home minister Amit shah. thai ni manthai, Political rights, economic development, kokthai no twi bo kendriya hapang tei Tripura hapang ni bising o contract sign khwlaikha. laibuma o tabuk no puila contract sign ungkha bharat hapang bai. tei ah contract no twi no nugwi mankha haste ni thung kwrung o kwtal lama, kendriya hapang tipra motha ni sanlai mwng no gosiwi nahar mani bagwi phai tong nai loksabha chongmari o tipramotha BJP bai gwdal nai hwnui kok pirlai mwng ungwi tongkha Tripura oh. tei khak sa phasing khe tipra motha boodl ni kwcham supremo eba bubagra Pradyot kishore debbarman bai achuglai mwng khwlai mani nukjakha congress ni MLA Sudip roy barman tei Birjit singha no. hwnkhe thansa da ungwi tongkha kebeng nai bodol rok? swng mwng kasai tongkha haste gwnagui. kokthum thum nai ni bwskang o kwrak salo khuk kengkha bubagra. phai tong nai loksabha chongmari no bwkang o tonwi rajakhor aguli ni gorkha bosti gana manikya enclave tipramotha bodol ni kaisa nangkuk mani achuglai mwng songsa jak mani o phawi manjak phai mani nukjakha, aro ni simi no bubagra saklaikha, joto bodol ni adong song bai no bo sinlaijak, abo simi ya haste ni kwcham montri okra eba 2024 bisi ni loksabha chongmari sal thang Tripura kendra ni batainai Biplab kumar deb bai bo agini simi no sinlaijak kebeng nai thung kwrung bodol eba naikolnai bodol, kebo bai thansa ungmani swng mwng khwlai mani o kok phirogliya kwrak salo bubagra, sk ni tiprasa dopha ni loku rok bai achuglai mwng khwlawi jora bai baksha khe sak ni facebook profile ni simi live khwlawi abo no twi saklai nai hwnui sakha bubagra. phiya ba bo samani nukjakha, kendriya hapang bai delhi o contract sign khwlawi sak ni bodol no phalwi rwkha hwnui kok silsamwng kasai tong kha bini phasing. abo hai kok silsamwng khwnawi no kwrak salo jolai lai mwng phunok mani nukjakha bubagra pradyot no. phai tong nai loksabha chongmari o saichug da batainai tipra motha? eba thansa da ung nai naikol nai bodol eba kebengnai bodol bai?abo no tabuk naharmwng.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
