Salbrom no kwtal kwtal kaida bai thokokjagwi tongo haste ni tongkosong lukorog. Kono kono jorao Criedit card, online electrick bill, online o mungsaswk search khwlaina thangwi thokaijagwi tongo tongkosong lukorog. Phiyabha kwrak salo abohai khe thokaijakmani kasawi phaikha aulini kaisa Bank no kebengwi. Lake chowmony ni Tripura state co-operative bank ni branch manager tei khorok sa agent no kebengwi. Koktwmao saimankha, thanai 15-16 bisi ramwi Tripura state co-operative bank ni agent Pijush Datta tei bini bihik aulini kwbangma bania khwlainai rokni saving account khologwi rikha borok ni bank ni. Account o rang joma rina bagwi talbrom no bania khwlainai rokni yagni rang tubuwi tongo borok. Bank manager ni kok rimani bagwi borok talbrom no rang joma riwi tongmani. Sal kisa swkangno joto heer pher wngkha, sal kisa ramwi bania khwlainai rok bai malai liya Pijush Datta. Rang nainani bo thangliya bo. Aboni bagwi belai no doubt wngwi bank oh thangkha bania khwlainai rok. Aro thangwi borok sawi mankha, thanai sal kisa ramwi borok ni rang account oh joma kwlaiya. Joto rang twiwi kharkha Pijush Datta tei bini bihik. Aboni yagulo belai no jolijakha bania khwlainai. Bania khwlainai rok thansa khe kothomlaiwi lake chowmony Tripura state co-operative bank branch ni manager Pijush Datta no kebengwi salthang Agartala ni thanao thangwi kwrak salo swimung bwlai bai mamla khwlaikha bania khwlainai rok. Thokokjaknai tei khorok sa bania khwlainai sakha, Oh patimungo lake chowmony Tripura state co-operative bank ni manager bo gwdaljak tongo. Tamoni bagwi hnk bini kok bai no chwng joto no agent ni yagu rang rio hinwi sakha. Abohai patimungni yagulo belai no wanalaijak aulini bania khwlainai rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
