Sak ni bwsajwla tei bwsai tong phano tongthai nok kwrui ni bagwi tabuk lama o no tongwi ma tongkha khorok sa chakra jwk. sathai kwlai o salgwra Tripura hangkor panisagar ni Bisheshwar das ni bihik Subhashini das sak ni bwsai tei bwsajwla no twi kaham khe no tongwi tong mani, sal burum burum no bwsajwla ni yago choprob jagwi tong kha buma, sak ni bwsajwla Bapan das bo bini buma no lai thanai tal sini ni swkang chakrajwk buma no aguli o yakarwi kwlang kha. aguli o phawi lama bo siniya Subhashini das himang himang golaghati bidhan sabha kanchanmala amchai ni khamar para o phawi sokphaikha, ah phuru lama gana khung sa kwbai nogo no tongwi tong kha ah chakra jwk. amchai ni loku rok puila wansuk mani kobor hwnui, abo ni ulo kok sawi saimankha bo kaham no kobor ya. abo ni ulo ah chakra jwk ni khuktwi joto kok no khwnai naikha amchai ni loku rok.amchai ni loku rok sal burum burum no ah chakra jwk no chamung ni simi romwi joto phasing twi no sep rwkha. bini thani tabuk amchai ni loku rok no nokni borok hwnui sakha ah chakra jwk.swrang salo kokthum thumnai ni bwskang o kwmai thang mani sal rok ni kok sawi khwna rwkha. tei amchai ni bwkhak twi sanlai mwng khwlai kha ah chakra jwk no bridha ashram o twlangwi rwna ni bagwi sep rwthung hwnui.abo ni logi bwsai tei bwsajwla ni tomwng no twi naslemwng bo phunuk kha amchai ni loku rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
