Swrang salo Udaipur ni Gomati hangkhor porisad ni conference hall oh 2nd level ni hangkhor-rwk review koklam panda songchajakha. Asalni pandao manjakha haste ni maalmata tangbedekni montri Sudhangshu Das, hangkhor porisad ni president Debal Debroy, hangkhor achukphang Tarit Kanti Chakma, MLA Abhishek Debroy, MLA Rampadha Jamatia, MLA Ranjit Das no khobui dalbidal tangbedekni kuchuk berem ni officers rok bo manjakha. Tiprasa hamkrai tangbedek, Ahh tei maalmata hamkrai tangbedek- oh kaitham tangbedekno twiwi kendra haphang tei haste haphang ni jeswk projects rok Gomati hangkhor ni bagwi phiyogwi rijakha, ah projects rok bwswk jora twi mwkthang wngwi tong, aborok no cherwi naina bagwi no asalni koklam panda. kami amchaini lukorog ni rangthongni bagwi tei hoda ni hamkrai oh oh kaitham tangbedekni nangkukmani yakumu tongo. Oh kaitham projects ni bising twi kami amchaini sikla sikli rok sak baithangno bhachawi manai. Oh projects ni sep sap rok tongkosong lukorog no bwswk jora manwi tong, aborok no cherwi naina bagwi no koklam panda khwlaijakha hinwi sakha hast ni maalmata tangbedekni montri Sudhangshu Das. Habanogo achugwi yapri naharmani wngya, oh yapri rok bwswk jora twi mwkthang wngkha aborok no cherwi nainai haste haphang ni barja hinwi sakha montri Sudhangshu Das.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
