Bwrwi bodol rok ni phan no bari rinani, tei self help group no twiwi lukorog no hujak khwlaimung tei borok ni dukhu sukhu tei sep sap rok no mwkthang khwlainani no BJP bodol ni nasikmung. Abono twiwi yapri naharkha bodol ni hakotor-rwk president JP Nadda. Bharat hakotor ni SSG group tei bwrwi bodol rok bai naikoljagwi tongnai NGO group rok phan rinani samung bwtang panda songchajakha. Swrang salo pradesh ni samung bwtang panda o abohai no sakha pradesh BJP ni president Rajib Bhattacharya. Asalni pandao bono karwi bo manjakha pradesh BJP ni editor Papiya Datta, Agartala municipal corporation ni mayor Dipak Majumder, deputi mayor Manika Das Datta. Asalni panda o kok narukna thangwi pradesh BJP ni president Rajib Bhattacharya sakha, hakotor ni bwrwi rok ni hamkrai ni bagwi tei borok ni ajimung no bangrina bagwi kwbangma samung khwlaikha montri bokhorok Narendra Modi. Tripura ni bwrwi bodol rok no kha-thangsarina bagwi Tripura haste o bo ‘phanrimani panda’ bo songchajakha. Tripura haste ni hangkhor-rwk tei mondal rwk samung bwtang panda songchajaknai hinwi sakha pradesh BJP ni president Rajib Bhattacharya.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
