Kai chi nwi national parliament o kaham no bwthai manwi wai bwrui ni bagwi bangladesh hapang swnam nani nai tong kha Awami league. 299 achugthai ni bising o 222 achugthaio no kwplai ungkha borok.Worker’s party, jatio samajtantrik bodol tei bangladesh kalyan party kaisa khwlawi achugthai o kwplai ungkha. Awami league ni ulo joto ni swlai kwplai ungkha independent candidates.kai dok chi nwi o kwplai ungkha borok. lai thanai kai nwi parliament o kebeng nai bodol ni achugthai o jatio party taklai mankha kai chi sa achugthai. je kai nwi chi dok ahugthai o Awami league ni thani borok kisa ni bagwi yak kak mani. kokti salni phung ni dam char ni simi sarig ni dam bwrui jora kaham habar ni bisingtwi no bangladesh ni national parliament chongmari paikha. kaham habar ni bising twi vote nahar nani bagwi kwrak khe rwjak kha naikol mwng ni sep rok. tang salo bwthai rok phologwi rwjak mani ulo no kwbang kuk vote manwi kwplai ung kha Awami league.kwplai ung mani ulo bangladesh ni achugphang Sheikh Hasina no lamsogmwng yaphar kha Bharat,chin tei russia ni logi hakotor ni joto ambassador rok. tang sal ni phung o gana bhavan o Sheikh hasina bai malai lawi bono lamsogmwng yaphar kha Bharat, Russia, China, Bhutan, Philippines, Singapore tei Sri Lanka ni ambassador rok. bharat hapang tei montri bokhorok Narendra modi ni bwkhak twibo Sheikh hasina no kha kaham yaphar kha dhaka o tong nai bharatiya high commissioner Pranoi varma.tang sal ni sarig o gana bhavan o hakotor ni logi phatar haste ni kokthum thumnai bai malai lai kha Sheikh hasina, bo saklai kha, tong kosong loku rok kha bai no vote rwkha abo loku rok ni hamjakma bai no kwplai ungkha hwnui.
Teisa bangladesh ni habar tungphulaijak
Teisa habar tungphulai jak bangladesh o, tabuk khe tungphula lai mani nukjak kha dhaka o. job no twi sal nwi...
