Rajyasabha ni session paimani yagulo haste o kiphilkha haste ni kwcham montri okra eba rajyasabha ni MP Biplab Kumar Deb. Rajyasabha o kwbangma topic no twiwi kok samanino lukorog no sai manrina bagwi tangsalo kokthum panda khwlaikha rajyasabha ni MP Biplab Kumar Deb. Asalni kokthum pandao puila no gas cylinder no twiwi kok sakha. Gas cylinder jeswk rangbai mano, aboni logi carring charge 20 rupees rijagwi tongo haphangni bwkhak twi. Phiyabha mungsa mungsa jagao gas agency ni customer rok abono twiwi sai manya. Borok ni yakni ulta 100 rupees naharwi tongo gas agency rok. Aboni bagwi haphangni bwkhak twi borok ni bagwi carring charge rimani yagulo bo , aboni sep sapni yakni kakjak kwbangma tongkosong lukorog. Abono twiwi nangkukmani yapri naharna bagwi Union Petroleum tei Natural Gas ni montri Hardeep Singh Puri no koikha haste ni kwcham montri okra eba rajyasabha ni MP Biplab Kumar Deb. Aboni logi logi Tripura o various railway over bridges swnamna bagwi Union Railways ni montri no koikha bo. Parliament ni zero hour teibu nangkukmani topic no twiwi bo kok sakha MP Biplab Kumar Deb, abo rok wngkha Udaipur ama Tripura sundari mondir o Prasad project. Khursathai kwlaio bisi brom brom no hakotor ni kwbangma boktorok ama ni mondir no naina bagwi phaio, borok ni sep sap ni bagwi prasad yojana project ni bising twi mondir ni hamkrai khwlaina bagwi samung bwtang yago naharjakha. Oh projects ni bagwi kendra haphangni bwkhak twi 37.8 crore rang rahorjakha, phiyabha tabok oh project ni bagwi teibu 17.61 crore rang nangwi tongo. Aboni bagwi kendra haphangni bwkhak twi ahh rangno horna bagwi Union Tourism tangbedekni montri ni thani koikha MP Biplab Kumar Deb. Zero hour o sakhwlaimani projects rokni bisingo tei kaisa wngkha haste ni MBB birkhung kholano international khwlainani samung bwtangno teibu speed khwlaimani logi, BMM birkhung kholao je kono situation no birkhung bikhalaiwi manani bagwi Advanced Instrument Landing System tei Updated ILS method no dakti no chengsawi rina bagwi koikha bo tei abono twiwi dakti dakti no tangbedekni montri nangkukmani yapri nahararo hinwi kha khwlaikha haste ni kwcham montri okra eba rajyasabha ni MP Biplab Kumar Deb. Aboni logi kendra haphangni ‘hit and run’ bill no twiwi bo sak baithangni kok phirokmung rikha haste ni kwcham montri okra eba rajyasabha ni MP Biplab Kumar Deb.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
