JRBT no twiwi tungphwlamani bidhansabha-o. Sebok sanmungno twiwi waire wai thangkha haste ni sikla sikli rok. Jora nang phano swrai swrai khe sak tharwi samung khwlaiwi tongo haste haphang. JRBT group-c tichokmani pairwk pairwk. Phiyabha aboni yagulo tui hamya o aah ramwi tonglaio 10323 phwrwngnai rok. Corruption ni koksilsamung no twiwi kaisa hamya nobar ni habar swnamna naiwi tongo borok. Borok ni oh koksilsamungni phasing khunjo rinani mungsa kwrwi- tangsalo abohai no sakha haste tourism tei thanglaisu tangbedekni montri Sushanta Chowdhury. Tangsalo Secretariat ni 2 no conference hall o songchajak panda ni bising twi JRBT group-c ni amjokmungo wngkhari wngnai 38 sebok candidate rok no appointment letter yapharwi rikha montri Sushanta Chowdhury. Thanai `13-september ni salmario JRBT group-c ni list ongkhormani. Ah list o 1980 candidate rok ni mung sakhwlaijakha. Aroni bisingo tangsalo 38 candidate rok no offer letter rijakha. Asalni pandao phaiwi manjakha chamung tangbedekni secretary Raval Hemendra Kumar, tangbedekni tangphang Nirmal Adhikari no khobui kubuni adongrok. Swrai swrai ni bising twi sudu capable candidate rok no sebok o tichokjakha hinwi sakha chamung tangbedekni montri Sushanta Chowdhury. Bo teibu sakha, Corruption ni kono thai kwrwi, jora nang fano swrai swrai khe samung khwlaiwi tongo haste haphang. Aboni logi kubuini bising twi lukorog ni chubachu khwlaina bagwi JRBT ni candidate rok no dagikha bo. Thanai 13-september ni salmario JRBT group-c ni list sakhwlaijakha. List ongkhormani yagulo appointment letter ni bagwi nasinglaijak JRBT ni candidate rok. Phiyabha paithago ah nasingnani jora paikha, tangsalo dalbidal tangbedekni bagwi offer letter rijakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
