School pawi college o yakung rwna ni ulo joto rwng swrung nai tei swrung nai jwk song ni thinang kaham khwlai nani bagwi wansugo. abo ung kha’Nabin boron’ter.agi ni siri siti ni kahai bisi burum burum no kwtal rwng swrung nai rok no lamsogwi nahar o college ni naikolnai. abo rok taklai bo songsa jak mani nukjak kha. tang salo bir bikram memorial college ni 2nd tei 3rd year ni rwng swrung nai tei swrung nai jwk song ni luajimung bai songsa jak mani nabin boron ni panda o college ni kwtal rwng swrung nai rok no lamsogwi nahar kha. ah salni panda o phawi manjak phai kha montri okra Dr.Manik saha, haste ni transport tei tourism tang bedek ni montri Sushanta chowdhury, hoda naikol nai Rajib bhattacharjee, haste hapang ni kwchung rwng tang bedek ni okra naikolnai NC. sharma, bir bikram memorial college ni speaker Ratan deb akosong. ah salni panda o kok narug na phuru kwbangma college rogo raging ung mani abo rok no twi kok sakha montri okra. ah salni panda o kok narugna phuru montri Sushanta chowdhury saklai kha, hoda o joto borok kaham khe bachawi maiya, phiya ba khorok sa borok no kaham khe naikol mwng khwlai khe soi soi no bo kaham samwng khwlai mano, tei swrung mwng ni bisingtwi hakotor no mwthang nani bagwi joto rwng swrung nai no kobok mwng khwlai kha montri. ah salni panda o joto rwng swrung nai tei swrung nai jwk song no kaham khe hoda bai bakasa khe samwng khwlai nani tei phekjak nai manwi ni phasing bo kaham khe naikolmwng khwlai nani bagwi kobok mwng khwlai kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
