chwng pherangno store khwlainani tei restore khwlainano twiwi 1991 bisini 14 december salmario ”jatiya shakti sangrokhon divas” sal hakotor gwnangwi palaijak mani. kendra ni pherang tang bedekni Bureau of energy efficiency ni bwkhaktwi bisi brum no oh sal tabok palaijakgwi tongo. hakotoro tei hayungo chwng pherangni mari nangkukma rogno twiwi lukurogno hujak khwlaina bagwi oh yapri naharjak kha hinwi saimankha. chwng pherangni nangkukman rogno twiwi lukurogno hujak khwlaina bagwino sangrong salo bo hasteo oh sal palaijak kha. agartala ni 79 tila ni TPTL corporate office oh ah salno kaisa pandani bisingtwi khe palaijak kha. aro nograi okra wngwi manjak kha hasteni pherang tang bedekni montri Ratan Lal nath tei hasteni chwng pherang tang bedek ni sachib Abhishek Singh no khobwi kubuni adong rog. dal bi dalni beremno twiwi ah salni pandao koklam khwlaijak kha tang bedek ni bwkhaktwi. ah salo kok narwkna thangwi montri ratal lal nath sakha , hasteo chwng pherangno store khwlaina bagwi haste haphangni solar systemno eba solar ni sepno lukurogni kwcharo awai khwlaiwi tongo. sal kisa swkangno 15 thousand street soler light boksin jak kha lama rogo. hasteni 3 thousand 335 ta school rogo bebagwi 3 lakh solar study light thepajak kha haste haphangni bwkhaktwi. kwbang haba nog rogni logi TSR camp rogo bo hastenu chwng pherang tang bedekni bwkhaktwi khe solar light thepajak kha hinwi sakha tang bedekni montri Ratan Lal Nath. chwng pherang rogno magna khwlaiya twi khe ah salo lukurogno hujak tei koi mung khwlai kha montri Ratan Lal nath.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
