OSA mwtai pai mani yagulo no aguli rogo bisi burum burum no’Sharad somman’ni panda songsai rwoh agartala pura nigam. dal bidal category ni bising twi sokat yaphar jago OSA mwtai songsa nai rok. oh bisi o bo kai nwi chi sa club no sokat rwjak nai hwnui sangrong salo sakha agartala pura nigam ni mayor Dipak majumdar, pura nigam ni conference hall o songsa jak mani’sharad somman’ ni panda nano twi achuglai mwng khwlai kha, ah panda o phawi manjak phai kha deputy mayor Manika das dutta, central zone ni chiarperson Ratna dutt ni logi joto ward councilor rok. ah sal ni achuglai mwng o rajakhor aguli bai khobjak kai nwi chi sa club no taklai bisi o sokat rwjak nai. aguli ni bising o joto ni swlai naithok mwtai sabo swnam kkha, mondop sabo naithok khwlai kha, abo ni logi sabo ni theme kaham ung kha abo rok naikolwi sokat bagwi rwjak nai, abo ni logi kaiba bedek no karwi bo agartala pura nigam ni kai bwrui zone o tei bo kai chi dok mwtai no sokat rwjak nai hwnui sakha pura nigam ni mayor Dipak majumdar. haste ni montri okra Dr.Manik saha ni logi achuglai mwng khwlai mani ulo sal rok saklai jak nai hwnui sangrong salo saklai kha pura nigam ni mayor Dipak majumdar.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
