Sangrong salni horo Agartala Sadar BJP ni pradsesh habanogo kaisa nangkukmani panda songchajakha. o Panda o manjakha bodolni Maha montri G.R Ravinder Raju, montri okra Dr.Manik Saha, pradesh bjp ni president Rajib Bhattacharya, kendriya prati montri Pratima Bhowmik no khobui montri sobha ni members rok bo manjakha. Haste ni kainwi kendra o by-election ni swkang pradesh bjp ni habango kwchuk berem ni ojama rok no twiwi songchajak panda belai no nangkukmani hinwi wansuklaikha bjp bodol ni ojama rok. Haste ni kainwi bidhansabha kendrani phainai by-election no twiwi no asalni panda o swbai sukwrwbwi koklam salaikha borok. Kainwi kendrao bodol ni batainai rok kwbangma vote manwi kwplai wngnai hinwi sakha pradesh bjp ni president Rajib Bhattacharya. O kainwi kendra o bodol ni batainai rok no kwbangma vote manwi kwplai khwlaina bagwi bodol ni bwkhak twi nangkukmani yapri naharjakna bagwi no asalni panda songchajakha. Asalo pradesh bjp ni president Rajib Bhattacharya, koktwma thumnai rok ni bwskango sakha bo, Thanai Dhanpur chongmario kwbangma vote manwi kwplai wngkha BJP bodol, abohai khe no Boxonagar o batainai bo kwplai wngnai hinwi kha khwlaikha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
