Hukbar khwlainai rok ni ajimung teibu kwbang khwlaina bagwi kaisa yapri naharkha haste ni hukbar bedek. Phasalo Horticulture Directorate Complex, Neramac sar ni counter no phiyogwi rikha haste ni hukbar bedekni montri Ratan Lal Nath. Asalni panda o bono karwi bo manjakha hukbar bedekni officers rok. Asalni panda o hukbar bedekni montri Ratan Lal Nath sakha, lukorog rok no chwngno mai khopsa chanani sep riwi tongo, aboni logi tabok hukbar khwlaimanio kwtal kwtal manwi khwnwi bai samung khwlaimani nukjagwi tongo. Aboni yagulo hukbar khwlainai rok ni ajimung komiwi tongkha, aboni bagwi hukbar khwlainai rok kubuni ajimungni lama no khwlaina chengkha. Hukbar khwlainai rok no, hukbar khwlaimao bowi tonina bagwi borok ni ajimung kwbang khwlaina bagwi hakotor ni montri bokhorok hukbar bedekni kwbangma projects no chengsawi rikha. Aboni logi hukbar khwlainai rok ni ajimungno teibu kwchugo twlangna bagwi kwbangma sep sap riwi tongo. Aboni bagwi hakotor ni logi haste ni hukbar khwlainai rok ni ajimung no bangrina bagwi neramic sar ni counter phiyogwi rikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
