Takwlai bisi ni diwali ter teibu dhamaka tubuwi tongo. Tamoni bagwi hnk Diwali ter ni salo no Bharat hakotor ni mung gwnang megastar Salman Khan ni Tiger-3 toke release wngnai. Koktisalni phungni dam char ni simi Agartala SSR Rupashi hall o Tiger-3 first day first show phunukjaknai. Manish Sharma ni naikolmung bai swnamjak toke no naina bagwi haste ni beser beser ni kwbangma lukorog phaikha. Asalo Agartala city center ni simi kaisa himbotok khwlaiwi Rupashi Cinema Hall o thangkha aulini Salman Khan club ni members rok. Baji sagwi mwsalaiwi hohom dodom khe Cinema hall o thangkha borok. Yashraj Films Spy Universe ni o toke Diwali ter o teibu khatung khaza ni boyer tubukha. Sal kolokma ramwi no 12 November no nasinglaiwi tonglaio Salman Khan ni Die Heart fans rok. Haste ni Salman Khan ni fans rok joto no thansa khwlaiwi Rupashi cenema hall o toke naina phaikha hinwi sakha fans club ni member Sagar Hossain. Diwali ter palaimani logi logi Tiger-3 bwswk jora twi bania khwlai, abo jora no sanai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
