Koktisalo Akhaura check-post ni BSF sengkrak rok bai diwali ter palaikha kendriya montri Pratima Bhowmik. Bharat-Bangladesh ni BSF rok bai koklam salaikha bo. Bisi brom brom no BSF rok bai diwali ter palaiwi tongo kendriya montri Pratima Bhowmik. Aboni bagwi koktisalo Agartala Akhaura check-post o bini mangpili nugwi mankha. Asalo Ario chati muchungmani logi logi misti rok bo bakkha bo. Sengkrak rok ter ni jorao fano nog bai hakchal khe tongmani bagwi, aboni bagwi borokni nogni wngwi borok ni logi diwali ter palaina bagwi thangkha kendriya montri Pratima Bhowmik. Bharat-Bangladesh ni ario thangwi khungnwi hakotor ni lukorog no kha kaham yapharkha kendriya montri Pratima Bhowmik.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
