Rail lama bai kwrwngna thangwi tongo Bharat-Bhutan. Tangsalo Bhutan ni Raja Jigme Khesar Namgyel Wangchuckk bai hakotor ni montri bokhorok Narendra Modi malaimani yagulo khungnwi hakotor ni bisingo rail lama swnamnani yapri naharjakha. Tabok Bharat-Bhutan ni bisingo rail lama swnamnani bagwi thai naijaknai. Tangsalo New-Delhi o phaikha Bhutan ni Raja Jigme Khesar Namgyel Wangchuckk. Bono thangwi lamsogwikha Bharat hakotor ni montri bokhorok Narendra Modi. Khungnwi hakotor ni bisingo koklam panda bo wngkha. Koklam panda ni yagulo montri bokhorok Narendra Modi twitter o swikha, Bhutan ni Raja Jigme Khesar Namgyel Wangchuckk no lamsogwi belai no kha tongthokkha. Bharat-Bhutan ni bisingo kwbangma topic no twiwi koklam salaikha. Bhutan ni ganao tongnai hinwi kok rikha montri bokhorok Narendra Modi, tei Bhutan ni hamkrai ni bagwi bo logi tongnai hinwi sakha. Koktwmao saimankha, West-Bengal ni Banerhat tei Bhutan ni Sams ni bisingo rail lama swnamnani bagwi gosikha khungnwi hakotor. Aboni yagulo Assam ni Daranga tei Bhutan ni Samudrup ni bisingo kaisa kwtal adibashi checkpoint kholoknano twiwi bo koklam salaikha borok. Aboni logi khungnwi hakotor ni bisingo Trade-infrastructure, Investment in business tei mutual, Power, Health, Education, Space Technology, no khobui khungnwi hakotor ni bisingo kaham halok swnamnano twiwi bo koklam salaikha borok. Bhutan ni Raja Bharat hakotor o sal char ni bagwi phaikha. Thanai 3 november o puila Guwahati o phaikha, aboni yagulo tangsalo New-Delhi o thangkha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
