Santirbazar bwkhaste bai khobjak Birchandra Manu ni Twikarma school ni math o chengsawi rijakha haste-rwk 20 bisi waa festival. Mog samajik songstha tei Mog socio-cultural group ni luajimung bai songchajakha mog bosong kaisa ter. Tangsal eba 6 November ni simi kwrak sal jora cholinai oh ter. Tangsalo Chati muchungwi oh panda no chengsawi rikha kendriya montri Pratima Bhowmik, aro thangwi manjakha haste ni minority ni montri eba Julybari bidhansabha ni MLA Sukla Charan Noatia. Borok no karwi bo manjakha Manu bidhansabha ni MLA Mailafru Mog, MDC Sanjiv Reang, Santirbazar ni bwkhaste achukphang Abedananda Vaidya. Asalni pandao borok rok ni langmao Goutam Buddha ni kaham kok no twiwi kok sakha kendriya montri Pratima Bhowmik. Waa Festival o manjagwi haste tei kendra haphang ni kwbangma hamkrai ni samung bwtangno twiwi kok sakha haste ni minority bedekni montri Sukla Charan Noatia. O ter no kitingwi haphangni bwkhak twi kwbangma stall bo kholokjakha. Fita rawi stall rok no lukorog no yapharwi rikha Tripura haste ni montri Sukla Charan tei kendriya montri Pratima Bhowmik. Mog bosong ni hukumu rwkjak Waa Festival pandao kwbangma lukorog bo phaiwi manjakha. O ter o kwbangma rwchapmung mwsamung panda bo songchajakha hinwi saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
