Nwkhung o kok banglawi bihik tei bwsajwk no bwtharwi sak sak bo thwi thang kha bwsai. tang salo thwi thang nai 3 jona ni mang kwthui mankha police, pati mwng jolaibari bidhan sabha kendra debdaru naba rampara amchai o, tang sal ni phung o amchai ni tong nai Bidanta Tripura ni nok bising ni mwnam bahai mankha amchai ni loku rok. logi logi no pati mwng baikhora thana o saklai kha, koktwma manwi pati mwng thaio phawi sokphai kha baikhora thana ni OC Bishnu das tei jolaibari outpost ni post. abo ni ulo police udaipur ni simi forensic team pati mwng thai o phawi sokphai kha, police ni thani koktwma manwi patimwng thaio phawi sokphai kha executive magistrate.police pati mwng thaio phawi dogar swbai mani ulo khorok tham ni mang kwthui nugwi mankha, abo ni bising o Bidanta Tripura ni mang kwthui khachijak tong mani, tola o kwlai jak bihik Sahina Tripura tei bwsajwk Alisha Tripura ni mang kwthui. khorok tham ni mang kwthui no sogwi thang kha, ah salo baikhora thana ni OC Bishnu das saklai kha, borok ni wansuk mwng puila bihik tei bwsajwk no bwtharwi sak sak no thwi kha bwsai Bidanta Tripura. pati mwng no twi cherwi naikol tong kha police. tei khak sa phasing khe Bidanta Tripura ni khorok sa sini jak borok saklai kha, pha sal ni sarig ni dam dok o Bidanta Tripura ni bwsajwk Alisha Tripura bai bini thagu kok sakha phone twi. teikhak sa phasing khe amchai ni loku rok sakha, cha salni phung o bihik bai kok banglai mani nukha Bidanta Tripura no.abo ni ulni simi no kebo no tei nukjakliya nok ni ongkhor mani, ah pati mwng no kitingwi amchai gwnagui no wanlaijak.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
