Twruk twruk khe habar tong kwchang ungwi tongkha bangladesh o. sal tham romwi curfew rwjak mani ulo swrang sal ni phung ni dam ni simi sarig ni dam ba jora rajakhor dhaka, gajipur, narayanganjtei norsingdi hangkor o kisa curfew ni jora komi rwoi rwkha. abo hai khe no sangrong salo dhaka ni logi khobjak hangkor rogo bo phung ni dam chi ni simi sarig ni dam ba jora curfew nijora komkhe rwkha, abo simi ya dal bidal hangkor rogo bo curfew kom khwlai nai hwnui sai mankha. tei khak sa phasing khe dhaka ni simi dal bidal hangkor o sago dukhu man nai rok sak naikol mwng ni jora o khorok bwrui ni langma chokha hwnui koktwma o sai mankhaswrang salo curfew ni jora kom khe rwma ni ulo no bangladesh ni dal bidal sarkari tei besarkari office,factory rogo samwng chengwi rwjakha. ah salo no phung ni dam chisa ni simi sarig ni dam tham jora office rok khulugjak tong nai, internet ni sep rok bo chalu khe rwkha kai nwi kaitham thai rogo. phiya ba social media tabuk phano mwthagwi tonkha. abo ni logi train bo kai nwi kai tham thai rogo choli mani nukjakha. lai thanai cha sal ni simi no mwthagwi ton mani rail ni sep rok. tei khak sa phasing khe kota ni kwthumlai mwng no twi tong kosong loku rkni thani samwng hamya khwlainai rok ni sini mwng sanwi tongkha police. tei naitugwi rwnai rok ni sini mwng huiwi ton nai hwnui bo sakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
