Sadar bwkhaste naikolnai ni sep bai abhiyan khwlainai bodol ni bwkhak twi rajakhor aguli ni kwbangma restaurant o abhiyan khwlai kha, ah abhiyan khwlai thani o mwthagwi rwjakha aguli ni abhishek restaurant ni kitchen. Rajakhor aguli ni hotel tei restaurant rok notwi tong kosong loku rokni kwbangma kok silsamwng tong o. abo hai kok silsamwng no twi no kwrak salo sadar bwkhaste naikolnai ni bwkhak twi agartala ni kwbangma hotel tei restaurant o abhiyan khwlai kha, sadar bwkhaste naikolnai tei dalbidal tang bedek ni kwchug thai ni naikolnai rok no logi twi ah abhiyan khwlai jakha, ah salo puila rabindra bhavan gana parkline hotel o administration bodol abhiyan khwlai kha, abhiyan ni jora o administration bodol hotel ni kitchen room berainaikha, abo ni yaguli chamwng rok bobo hai khe tonwi tonkha abo rok bo nai cherwi naikha, aro ni simi administration bodol gana ni Abhishek restaurant o thang kha, phiya ba aro thangwi abhishek restaurant ni kitchen nok nugwi jolai lai mwng phungkha administration bodol. abo ni ulo kitchen nok moila ungjak nugwi restaurtant kitchen room o tala khachi rwoi rwkha abhiyan khwlainai bodol. ah salo administration bodol ni okra naikolnai sakha, mwng sa restaurant ni kitchen room abo hai moila ungjak kebo phano sai mangalak, chamwng rogo mwngsa suk hamya nukhe kwrak khe sep naharjak nai hwnui sakha. ah salo kokthum thumnai ni swng mwng o okra naikolnai sakha, rajakhor aguli o khungsa restaurant o swnam jak mani chamwng ni bising o khorok sa bwrui kurma mankha chamwngo.pati mwng no cherwi naikha, pati mwng soi ungkhe restaurant ni phasing kwrak sep naharjak nai hwnui bo sakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
