Gandachara amchai ni khorok sa tiprasa sikla no bowi bwtharmani bagwi belai no tungphalajak Gandachara amchai. Khorok sa milka berem manjak wanjui bosongni sikla no banchirina thangwi wanjui bosongni samung sitra khwlainai rok bai bojagwi thwinani nangkha Parameshwar Reang ni mungwi khorok sa sikla, Bini omar 21. Thanai 9 july ni salmari oh Gandachara bwkhaste ni 30 card amchaini cricket stadium bwskango Anandamela choliwi tongphuru oh patimung patikha. 25 to 30 samung sitra tangnai sikla rok miliwi ah amchaini khorok sa milka berem manjak wanjui bosongni sikla no bowi tongmani. Ah jora oh Parameshwar Reang ah milka berem manjak wanjui bosongni sikla no bachirina thangkhe, ah samung sitra tangnai rok Parameshwar Reang no kothomlaiwi bolaikha. 25 to 30 wanjui bosongni samung sitra tangnai rok bai bojagwi belai no dukhumankha. Aboni yagulo bono GB sakham nogo twlangjakha. Sak naijagwi tongmani jora oh no oh swngchar no yakarwi thangkha Parameshwar Reang. Phasalo bini mangkwthwi nogo twlangmani yagulo amchai rwgwi belai no tungphwlanani chengkha. Aboni yagulo situation belai tungphwlamani bagwi amchai rwgwi 144 act lagugjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
