Bwrwi Rompherenai Dipankar Debbarma tei Ritesh Debbarma ni mungwi khorok nwi sikla thwiyasakni bagwi alongo chopkha. Oh Patimung patikha Kalyanpur thana bai khobjak Boromaidhan oh. Hamjakmani bwrwi no bayap sng bai miliwi hapungno rompheremani bagwi thwiyasakni bagwi alongo chopjaknani satokmung rijakha khorok nwi sikla. Gang rape khwlainai khorok nwi sikla no thwiyasakni bagwi alongo chopnani bagwi dagikha dorbarphang. Patimung patikha Kalyanpur thana bai khobjak Boromaidhan oh. Patimungno cherwi teibu saimankha je, Boromaidhan amchaini Dipankar Debbarma tei Bithika Debbarma hamjaklaiwi tongmani. Laithanai 2017 bisi ni 9 march ni horo Dipankar Bithika no call khwlaiwi kaisa thai oh malaiphainani bagwi sakha, Bithika bo Dipankar no puito chawi ah thai malainani phaikha. Aboni yagulo Dipankar Bithika no blong phasingo twlangwi thangkha. Ah bolongo Dipankar tei bini bayap Ritesh Debbarma tei Amrit Debbarma sng mililaiwi hapung no Bithika no romphereka hinwi koksilsamung kasakha. Aichugo Bithika ni mangkwthwi mankha. Aboni yagulo ah khoroktham rompherenai sikla no kebengwi mamla khwlaijakmani yagulo salnwi ni bisingo no borok no romkha police. Dorbar nogo Dipankar Debbarma tei Ritesh Debbarma no kebengwi prove manmani yagulo 43 borokni sakkhi nawi phasalo Khowai hangkhor ni daira dorbarnogni dorbarphang Vedapratim Debbarma, Bithika no rompherenai Dipankar Debbarma omar 29 tei Ritesh Debbarma omar 31, borokno thwiyasakni bagwi alongo chopnani bagwi dagimung rikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
