Haste o chongmari saklai rwjakha, sangrong salo notice bo ongkhor kha. phai tongnai 8 august salmari o ung nai vote. tei vote lekhajak nai 12 august sal mario. abo hai jora o sangrong sali khowai hangkor naikolnai ni conference hall o kaisa achuglai mwng ringkha hangkor naikolnai Chadni chandan, achuglai mwng o phawi manjak phai kha police super Ramesh jadab,senior deputy magistrate Parimal majumdar, DCM Rupanjan das ni logi kwchug thai ni naikolnai rok bo. political bodol rok ni bising o BJP,CPIM,Congress tei Tipra motha bodol ni naikolnai rok bo phawi manjak phai kha. achuglai mwng o panchayat chongmari kaham khe ung nani bagwi nangkuk mani kok salaikha. ah achuglai mwng pawi khowai hangkor naikolnai Chadni chandan saklai kha, panchayat chongmari o khowai hangkor parisad ni kai chi tham kendra tei kai tham block ni kai ba chi dok kami panchayat chongmari ung nai.panchayat samiti tei kami panchayat ni batainai rok no nomination bwlai joma rwna ni bagwi khowai,kalyanpur,teliamura block ni tang nog no returning officer ni tang nog hwnui chonghorwi rwkha. hangkor parisad ni batainai rok hangkor naikolnai tang nogo nomination bwlai joma rwnai. sangrong salo notice ongkhor mani logi logi no nomination bwlai joma rwna ni samwng chengwi rwjakha, nomination bwlai joma rwna ni paithak ni sal 18 july, tei 19 july sal mari o nomination bwlai scrutiny khwlai jak nai.phai tongnai 8 august sal mari o phung ni dam sini ni simi sarug ni dam bwrui jora vote ung nai tei 12 august salmari ni phung ni dam char ni simi vote lekhajak nai
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
