Teliamura bwkhaste bai khobjak krishnapur bidhan sabha kendra ni maiganga amchai ni maiganga sukanta rwng nok kotor ni bwkhak twi kaisa rally songsa jakha, ah rally o phawi manjagwi joto rwng swrng nai jwk no atomsa khe sak ok hamya ung mani nukjakha, abo ni bising o khorok nwi khorok tham rwng swrungnai jwk no GB sakham nogo refer bo khwlai kha. abo hai pati mwng pati thang phano sangrong salo teisa haino hai maiganga sukanta rwng nok kotor ni khorok ba rwng swrung nai jwk rwng nogo no sak rok hamya ung mani nukjakha,sai mankha ah salo buphang busa kai mani panda tong mani. ah jora no atomsa khe class 9 ni khorok ba rwng swrung nai jwk sak rok hamya ung mani nukjakha, dati khe rwng nok ni teibo rwng swrung nai tei swrung nai jek song ni logi rwng phwrung nai rok teliamura bwkhaste sakham nogo twlang thangkha. ah salo teliamura bwkhaste sakham nogo maiganga sukanta rwng nok kotor ni khorok sa rwng swrung nai saklai kha, buphang busa kai mani jora o ah pati mwng pati kha. sangrong salo belai khe no satung bo tungkha, abo ni bagwi rwg swrung naijwk song n sak rok atomsa khe hamya ungkha na hwnui sakha. tei khak sa phasing khe sakham nog ni saknaikolnai sakha, rwng swrung nai jwk song abo hai khe khorok sa ni sak rok hamya ung mani abo tangwi ungha kaham khe tabuk phano sai manya kho,phiya ba satung ni bagwi phano ungwi mano hwnui sakha sak naikolnai. koktwma manwi rwng swrung nai jwk song ni maa-pha song sakham nogo thangwi sogwi kha, tabuk ah sakham nogo no sak nai rwjagwi tong o rwng swrung nai jwk song.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
