Phainai panchayat chongmari oh kwplai wngnani BJP bodol. Koktisalo Santirbazar ni bhachawi abohai no sakha pradesh BJP ni president Rajib Bhattacharya. Asalo kebengnai bodol ni ojama sngno kolkha pradesh BJP ni president. Rath Yatra ni kwthar salo eba koktisalo Santirbazar mondal committee ni kwtal tangnog ni foundation stone no phiyogwi rijakha. Asalni panda oh manjakha pradesh BJP ni president Rajib Bhattacharya, amchaini MLA Pramod Reang no khobui kubuni adongrok. Tini ni hai kwthar salo abohai yapri naharmani bagwi bodol ni ojama sngno kha kaham yapharkha bjp ni pradesh president Rajib Bhattacharya. Loksobha chongmari oh Santirbazar ni bwkhak twi belai no supports manmani bagwi aroni sipai rokno kha kaham yapharkha bo. Bo teibu sakha hoda ni joto lukorog ni hamkrai ni bagwi sak tharwi samung khwlaiwi tongo BJP bodol. Haste ni 4 lakhs kwrwi lukorog no paka nog tangwi rikha BJP haphang. Abo haste ni lukorog no gift rikha montri bokhorok. Asalo kebengnai bodol rokno yasi surwi pradesh bjp ni president Rajib Bhattacharya sakha, kebengnai bodol rok Agartala no khobui kwbangma thai oh ganatantra kwrwi hinwi chiri khoklaiwi misil meeting khwlaiwi tongo. Phiyabbha Haste oh jadi ganatantra kwrwi hnk kebengnai bodol rok misil meeting khwlaiwi no mangwlak khamo. Lukorog no oroi poroi khwlainani simi naiwi tongo kebengnai bodol rok. Aboni logi yaksi haphangni jora ni kok rokno sakha bo, thanai 25 years oh yaksi bodol ni sipai rokbai satok pitok khwlaijakmani bagwi nogni se ongkhorwi manya tongkosong lukorog. Ah jora oh bwrui rokno satok pitok khwlaimao puila thai mankha Tripura haste kebengnai bodol rokni sipai rok. Yaksi amol ni kok rokno pogyakhu lukorog. Aboni logi bo teibu sakha, BJP bodol bolai toklai no puito chaya. Haste ni bwrui, sikla, samung khwlainai, hukbar khwlainai, tei sebok khwlainai rokni hamkrai ni bagwi samung khwlaiwi tongo BJP haphang. Aboni bagwi no phainai panchayat chongmari oh bo hai no hai kwplai wngnai BJP bodol hinwi sakha pradesh BJP ni president Rajib Bhattacharya. Asalni panda oh Santirbazar mondal ni joto sipai rok bo phaiwi manjak phaikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
