Bwrui rok ni phasing satug mwng ungwi tong mani abo ni simi bobo hai khe yak kagwi man nai abo taklai bisi ni theme ungwi tongkha rajakhor aguli ni kotor mwng gwnang club lal bahadur vayamagar ni. kokti salo rath yatra tei kwthar ter ni salo khuti mwtai rwoi osa mwtai ni samwng chengwi rwkha club ni naikolnai rok. Ama durga phai tongkha teusa tongthoklai nai haste ni loku rok. ah ter no kitingwi no samwng bwtang yago naharkha rajakhor aguli ni dal bidal club. Osa mwtai ni jora o tong kosong loku rok no phunuk nani bagwi dal bidal theme bai osa mwtai kai lai o rajakhor aguli ni dal bidal club. abo ni bising o Lal bahadur vayamagar ungkha mwng gwnang kotor club. taklai bisi o durga mwtai no bwskang o tonwi kokti salo rath yatra ni kwthar salo khuti mwtai rwlai mani nukjakha rajakhor aguli ni kotor mwng gwnag club Lal bahadur vayamagar. club ni ojama tei amchai ni loku rok ni phawi manjak phai mani o kokti salo mwtai rwlai kha. ah panda o phawi manjak phai kha Lal bahadur vayamagar ni achugphang Pranab sarkar, puja committee ni tangphang rok bo. ah salo Lal bahadur vayamagar ni achugphang Pranab sarkar sakha, bisi brum brum no Lal bahadur vayamagar ni theme tonwi mwtai songsai rwoh. osa phuru kwbang no loku kwthumlai mwng ung mani nukjago lal bahadur vayamagar o. bisi brum brum ni kahai taklai bisi o bo theme bai no mwtai songsa jak nai, taklai bisi o theme ungkha’Chai na hote uma’eba bwrui rok no satug mwng khwlai mani abo ni simi bobo hai khe yak kagwi man nai abo no twi no taklai bisi ni theme Lal bahadur vayamagar ni hwnui sakha achugphang Pranab sarkar. OSA mwtai ni theme no twi sana phuru lal bahadur vayamagar osa mwtai committee ni tangphang sakha, taklai bisi o lal bahadur vayamagar ni budget 35 lakh rang, osa mwtai pandle swnam nai amchai ni no Rahul ghosh, tei mwtai swnam nai Chitta pal.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
