Sak ni bihik amchai ni no decorator ni samwng khwlainai Tapassh nama bai hamjaklai tong o ah pati mwng bwsai Nimai debnath sai manwi kebeng mwng khwlai khe,Tapash nama swrang sal ni horo lama kasuwi kwbuk manwi bai choprob kha Nimai debnath no. Swrang sal ni horo samwng hamya khwlainai rok bai choprob jagwi Nimai debnath ni mwngui khorok sa borok sago dukhu mankha, pati mwng radhapur kami panchayat ni 5 no.ward amchai o. samwng hamya khwlainai rok Nimai debnath no kwbuk manwi bai totra,bokhorok yak tei sak rogo choprob kha tei bwthar nani naikha. sago dukhu man nai ah borok chirogmani ulo amchai ni loku rok phawi sokphai mani bagwi samwng hamya khwlainai rok kharwi thangkha. amchai ni loku rok hor bwthar nai tang bedek o koktwma rwkha,logi logi no koktwma manwi hor bwthar nai tang bedek ni samwng khwlainai rok pati mwng thai o phawi Nimai debnath no khochawi dharmanagar hangkor sakham nogo twlang thangkha, dharmanagar hangkor sakham nogo sago dukhu man nai Nimai debnath sakha, bini bihik bai decorator ni bania khwlainai Tapash nama bai hamjak lai tong o. pati mwng no twi bo kebeng mwng khwlai kha, swrang sal ni horo radhapur kami panchayat ni sak ni nogo no kiphilwi tong mani, ah jora o no Tapash nama bini sinijak borok Ranjit debnath, Prabir debnath tei Pankaj debnath no bike bai khwlawi phawi atomsa khe kwbuk manwi bai choprobkha. belai khe no sago dukhu man mani bagwi Nimai debnath no hor ni bising o no Gb sakham nogo refer khwlai jakha, tei khak sa phasing khe koktwma manwi dharmanagar thana ni police sakham nogo phawi sokphai kha, pati mwng no twi cherwi naikolna bagwi dorbar no yago nakha police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
