Kwrak salo Panisagar ni Regional College of Physical Education oh Dr. Arunav Roy Synthetic Athletic ni Track no phiyogwi rikha haste ni montri okra Dr.Manik Saha. Asalni panda oh bono karwi bo manjakha thwng tangbedekni montri Tinku Roy no khobui kubuni adongrok. Asalni panda oh kok narukna thangwi montri okra sakha, haste ni thwngtangbedekni hamkrai ni bagwi sak tharwi samung khwlaiwi tongo haste haphang. Aboni bagwi haste ni sikla sikli rokno thwngmungo borokni muchungmano phunugwi tongo. Sal kisa swkang ni Asian game ni results no twiwi kok sakha tei phainai Olympic game oh kaham results khwlainani bagwi jugalwi tongo hinwi sakha bo. Sak tei kha kaham toninani bagwi thwngmung bedek bai gwdalwi tongnani belai no nango. Kaisa jora oh khorok sa kaham players wngnani belai no kosta. Tamoni bagwi hnk ah jora oh field oh players rokni biyal kwrwi, phiyabha tabokni jora oh khorok sa kaham players wngnani belai no kwlai. Tamoni bagwi hnk tabokni cherai rok thwngmung bai chaljak. Buma bupha sng sak baithangni cherai rokno amjokmungo parcentage manani bagwi bijab yapharwi tongo. Aboni yagulo hakotor ni structure tei hakotor ni hamkrai khwlaimao cherai rokni wansukmung rokno kasojagwi tongo. Asalni panda oh kok narukna thangwi thwng tangbedekni montri Tinku Roy sakha, haste ni thwng tangbedekni hamkrai ni bagwi sak tharwi samung khwlaiwi tongo haste haphang. Oh Synthetic track phiyogmani bising twi haste ni players rokni bisi kolokma ni emang mwkthang wngkha hinwi sakha montri Tinku Roy.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
