Tang salo parliament o haihola ung mani ulo no kwrak salo NDA ni dagiphang song no twi achuglai mwng khwlai kha montri bokhorok Narendra modi. Parliament o Rahul gandhi ni kok no twi hia hola ung laijak,hindu rok ni phasing khuk kengkha congress ni dagiphang eba loksabha ni kebeng nai bodol ni adong Rahul gandhi, abo hai khe no kok silsamwng khwlai kha BJP bai gwdal jak joto bodol rok no. ah pati mwng no kitingwi tang salo parliament o hai hola ung mani nukjakha, abo ni ulo no tini NDA dagiphang rok no sakthar mwng rwkha montri bokhorok Narendra modi. tang salo loksabha o hai hola ung mani ulo kwrak salo NDA ni achuglai mwng o montri bokhrok dagiphang rok no sakha borok parliament ni rauda kahai khe no tong nani bagwi. borok ni samwng nugwi loku rok kaham hwnui sathung abo hai khe no sakha montri bokhorok Narendra modi.kebo Rahul gandhi kahai tomwng khwlai mangalak. ah achuglai mwng o phawi manjak phai kha BJP tei NDA bodol ni dagiphang rok.achuglai mwng pawi Kiran rijiju sakha, montri bokhorok chung joto nono nangkuk mani kok sakha,bo saklai kha parliament o dagiphang rok phai o hakotor ni bagwi samwng khwlai nani, abo ni phasing no naharwi samwng khwlai nani sakha, miya kebeng nai bodol ni adong Rahul gandhi je samwng khwlai kha tei speaker no bo lachirwkha, chung abo hai samwng khwlai galak, abo no chini sini mwng.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
